Sipas burimeve të “HollywoodLife.com”, Celine Dion raportohet se ka planifikuar një homazh muzikal për bashkëshortin e saj të ndjerë.
Por sipas TMZ, këngëtarja nuk do të këndojë në funeralin e bashkëshortit të saj pasi ajo ende është e rrënuar shpirtërisht dhe e ka të pamundur.
Zëdhënësi i saj ka thëne se këngëtarja 47-vjeçare nuk ka pas ndërmend të këndojë, por ndoshta 2-3 këngë të sajat do të luhen në sfond.
Rene është ndarë nga jeta në fillim të kësaj jave pas një beteje të gjatë me kancerin. Familjarët dhe miqtë e tij do të mblidhen për t’i dhënë atij lamtumirën e fundit në Notre-Dame Basilica në Montreal. Ky është i njëjti vend ku Celine u martua me Rene 21 vite më parë.
