‘Xing me Ermalin’ ka qenë një nga emisionet më të suksesshme në vendin tonë, që në fillimet e tij. Tani që edhe sezoni i dyti ka përfunduar, të gjithë janë kureshtarë të dinë nëse do të ketë një sezon të tretë. I ftuar tek emisioni ‘Treshat’, Ermal Mamaqi ka folur pak në lidhje me këtë temë. Pyetur nga Bora Zemani nëse programi i tij i humorit do të vazhdojë, moderatori ka thënê: “Do të vazhdojë patjetër, besoj”. Të njëjtën përgjigje ka dhënë dhe pasi e pyetën nëse do të vazhdojë të jetë pjesë e ‘Tv Klan’. “Besoj patjetër? Domethënë mund të jetë edhe ndonjë gjë tjetër?”, e ka pyetur Bora. “Po mund të jetë një gjë tjetër”, ka përfunduar Ermali. Përgjigjet e tij kanë qenë pak konfuze dhe kanë lënë vend për dyshim, por duke qenë se nuk ka zbuluar asnjë detaj më tepër, na mbetet të presim dhe të shohim një lajmërim zyrtar nga vetë ai për fillimin e sezonit tjetër të ‘Xing me Ermalin’./revistawho.com
