Një nga ngjarjet e cila është pritur me shumë kërshëri nga të gjithë adhuruesit e familjes mbretërore, ka qenë lajmi i lindjes së dukeshës së Sussex, Meghan Markle. Ajo dhe Princ Harry pritet të bëhen prindër për herë të parë në pak javë, ndonëse në rrjet po qarkullojnë lajmet se Markle ka lindur.
Disa nga arsyet pse kanë bërë që të gjithë të mendojnë se fëmija mbretëror ka ardhur në jetë është sepse mamaja e dukeshës ka anuluar orët e saj në ‘Yoga’ dhe ka shkuar në Angli për të qenë pranë vajzës. Doria Ragland ka gati 1 javë që po qëndron tek shtëpia në Frogmore.
Një arsye tjetër pse të gjithë mendojnë se Meghan ka lindur tashmë, është sepse javën që kaloi dyshja mbretërore falenderuan të gjithë miqtë e tyre në ‘Instagram’ për dhuratat që kishin sjellë për fëmijën. Po ashtu Harry dhe Markle kanë dashur ta mbajnë private çështjen e ditëlindjes së fëmijës, madje kjo e fundit ka dëshiruar të lindë në shtëpi.
Ende nuk dihet se si qëndron e vërteta e këtyre lajmeve, por kjo pritet të zbulohet në ditët në vijim nga të gjithë ndjekësit e pallatit ‘Kensington’./revistawho.com
