Deklaratata e Anita Haradinajt kundrejt njërit prej banorëve të “BBVK”, Gani Gërmia bëri xhiron e rrjetit. Teksa e krahasonte me një tjetër banore, Brikenën ajo iu drejtua me tone që rrjeti i quajti aspak të hijshme.
“Brikena është kokrra e yllit. Ti a e ke parë veten në pasqyrë”, mjaftoi kjo për ta kryqëzuar në rrjet. Teksa kanë kaluar tanimë 3 ditë nga deklarata, në prime-in e mbrëmjes së sotme, ajo është shprehur se nuk është penduar për deklaratën sepse ka arritur qëllimin e saj profesional.
“Nuk jam penduar hiç. Po më vjen shumë mirë që audiencën e kam çuar në maksimum. “BBVK2” është komentuar deri në limitet ku nuk kalohet më. Edhe kjo është puna ime, të bëj temë “Big Brother-in”, ka thënë ajo.
