Hygerta Sako është një nga figurat më të dashura dhe kjo për shkak të karrierës së saj të gjatë në ekranin shqiptar. Prej disa vitesh moderatoren e kemi parë të drejtojë emisione sportive dhe jo vetëm. Ajo publikon herë pas here në rrjetet sociale foto të ndryshme nga përditshmëria dhe momentet pranë njerëzve më të dashur të saj.
Së fundmi Sako ka ndarë me të gjithë ndjekësit e saj në ‘Instagram’ një surprizë tepër interesante për të gjithë. “Sot në ‘Portokalli’, me të paparët Florjan Binaj dhe Irgen Çela. Nuk lejohen mungesat, as ato të arsyeshmet”, ka shkruar Hygerta bashkangjitur fotos krah dy policëve më të dashur të programit të humorit.
Mesa duket sot do ta shohim moderatoren në një tjetër fushë, ashtu siç nuk e kemi parë më parë. Nuk dihet ende se çfarë pjese do të luajë Hygerta, por është e sigurt se mbrëmja do të rezervojë shumë humor së bashku me të./revistawho.com
