Rina Balaj ka vetëm pak vite që është bërë pjesë e industrisë së muzikës, por ajo është një ndër reperet më të komentuara. Pavarësisht se është shumë e re në moshë, Rina ka arritur të tërheqë vëmendjen e të gjithëve, madje dhe të artistëve me shumë vite karrierë mbi supe. Pak kohë më parë ajo realizoi një bashkëpunim me Adelina Ismailin dhe kjo e fundit u shpreh se Rina premton shumë për muzikën e së shpejti do prekë majat. Megjithse emri i saj është lakuar shpesh në media, Rina është treguar gjithmonë e rezervuar për pjesën e jetës së saj private. Pak kohë më parë u përfol se ajo ishte në një lidhje me Feron, por reperja i hodhi poshtë të gjitha thashethemet. Ndërsa së fundmi ajo ka zbuluar statusin aktual, duke shuar të gjitha dyshimet për fansat e saj. Përmes një interviste virtuale me ndjekësit në ‘Instagram’, repreja ka treguar se nuk është e dashuruar. “Jo, nuk jam në lidhje”, i është përgjigjur Rina dikujt që e ka pytur nëse është në një marrëdhënie.
Reperja ka treguar se për pak javë bën 20 vjeçe dhe se është shumë e fokusuar në karrierën e saj, duke qenë se i ka përfunduar tre këngë. /revistawho.com
