Ish-banorja e “Big Brother VIP 4”, Amber Candy, u bë e ftuara e parë e programit “Ftesë në 5” me Bieta Sulon dhe zbuloi detaje nga jeta e saj personale dhe profesionale.
Ndërsa moderatorja e njohur e pyeti për jetën private, Amber tregoi direkt:
“Unë e kam thënë se po nuk mora unazën në gisht nuk deklaroj asnjë.”
Momenti i çuditshëm në studio
Ndërsa Bieta e pyeti për pushimet e saj, Amber u përgjigj:
Bieta: Me kë i bëre pushimet?
Amber: Me shoqëri.
Bieta: Me shoqëri, se ti e ke thënë edhe vetë që je ndarë.
Amber: E kam thënë edhe këtë ë?
Bieta: E ke thënë, ke thënë që je e lumtur me të në intervistën me Erjona Rusin pas daljes nga “Big Brother” dhe pastaj ke thënë se je ndarë, je vetëm. Por një grua vetëm nuk është kurrë e realizuar… Ça mendon sot?
Amber: Personi në fjalë ndoshta do pak privatësinë e tij, meqenëse edhe unë u bëra pak figurë e njohur. Jemi më mirë kështu.
Amber shtoi se, edhe pse lumturia nuk varet nga një partner, ajo respekton privatësinë dhe nuk do të bëjë kompromise në çift:
“Unë nuk jetoj dot me litar në fyt, dua të jem unë, e lirë dhe të marr ajër. Nëse të pëlqen mund të rrish, nëse nuk të pëlqen mund të vazhdosh rrugën tënde.”
Ajo tregoi gjithashtu se fama ka pasur efekt pozitiv në jetën e saj:
“Jam shumë e lumtur për faktin që publiku shqiptar më do për këtë që jam, kjo është pjesa më e rëndësishme e imja.”
Amber nuk e ka fshehur dëshirën për një martesë private:
“Do të më pëlqente të bëja dasmë, private normalisht.”
Ajo gjithashtu tregoi për bindjen e saj ndaj besnikërisë:
“Ishte dhe është shumë e rëndësishme për mua të jem besnike, edhe pse ndonjëherë besnikëria të dëmton. Tradhtinë do e falja nëse nuk ishte lidhje.”
