Teksa kompeticionet e ndryshme muzikore shtohen nga viti në viti, duket se të tjera ndryshime do të sjellë edhe ekrani i ‘Top Channel’. Së fundmi është zbuluar se shumë shpejt në televizionin e njohur kombëtar do të nisë spektakli më i ri i muzikës moderne shqiptare, i cili do të quhet ‘Jeho’.
‘Së shpejti, ‘Jeho’, spektakli më i ri i muzikës moderne shqiptare në Top Channel, Top Albania Radio dhe My Music. Një garë midis këngëve të reja të krijuara nga artistë të mbarë shqiptarisë. Dërgoni krijimet tuaja. ‘Jeho’, spektakli më i ri i muzikës moderne shqiptare. Mos harroni, një ‘beat’ mund të bëhet super hit’ – thuhet në lajmërimin e parë të bërë nga faqja zyrtare e televizionit.
Nuk dihet ende koha se kur programi i muzikës do të shfaqet në ekranin e ‘Top Channel’, megjithatë duket se përgatitjet kanë filluar./revistawho.com
