Majk konsiderohet si një ndër këngëtarët më të suksesshëm shqiptarë. Duke sjellë projekte muzikore nga më të ndryshmet nga baladat deri tek këngët ritmikë, ai ka ditur të fitojë dashurinë dhe vëmendjen e publikut.
Së fundmi ai ka ndarë me të gjithë ndjekësit në ‘Instagram’, projektin më të ri që siç e ka cilësuar vetë këngëtari, është një rrëfim personal i tij.
“Kam kënaqësinë të ndaj me ju një këngë që ka të bëjë me jetën time, besoj edhe me jetën e shumë prej jush që shumë herët filluat të punoni e të besoni në ëndrrat tuaja. Jeta është sfidë, mos u dorëzo, përballu me të”, shkroi Majk bashkangjitur me foton e shkëputur nga videoklipi.
Kënga titullohet ‘Nuk dorëzohem’ dhe pritet të jetë një tregues i vështirësive të shumta që Majk ka hasur në jetë deri më tani./revistawho.com
