Tayna është një nga këngëtaret më të reja të showbiz-it shqiptar. Ajo u prezantua për publikun me këngën ‘Columbiana’, i cili ishte një bashkëpunim me Don Phenom. Ndonëse ajo kishte realizuar ‘cover-a’ të ndryshëm më parë, ishte kjo kënga që i solli suksesin e menjëhershëm.
Pak minuta më parë këngëtarja publikoi këngën e saj më të re të titulluar ‘Ring Ring’.
Teksti i kësaj kënge është shkruar nga vetë ajo dhe flet për pengesat që reperja ka hasur në rrugën që ka nisur. Teksa repon, Tayna tregon se shumë njerëz nuk besuan tek ajo duke qeshur me të dhe sot janë të njëjtët njerëz që kërkojnë të bëjnë foto me të.
Nuk dihet ende nëse ky material muzikor që Tayna solli kësaj here është realisht historia e jetës së saj apo thjesht një frymëzim i momentit i këngëtares, megjithatë mbetet për t’u zbuluar në ditët në vazhdim./revistawho.com
