Me anë të një videoje ku shfaqet duke kënduar krah aktorit të humorit dhe kolegut të tij, Ermal Mamaqi, Rezart Veleshnja ka zgjedhur të njoftojë fillimin e sezonit të ri të ‘Shiko Kush Luan’ dhe ‘Portokalli’.
“Coming soon @shikokushluan @luanavjollca @portokallitch @florjanbinaj mbani frymën miq fillojnë stuhitë e spektakleve më të mëdhaja në Shqipëri!”, ka shkruar Rezarti duke lënë vend për dyshime se Ermali do t’i bashkangjitet grupit të ‘Shiko Kush Luan’ këtë vit.
Disa ditë më parë Luana ndau disa video me Mamaqin, duke zbuluar se ishin takuar, por duke mos bërë të ditur arsyen e këtij rikthimi.
Edhe video e ndarë nga Veleshnja shton më shumë dyshimet se Ermali do të rikthehet në ekranin ku nisi gjithçka, si pjesë e trupës së humorit të programit ‘Portokalli’. Pavarësisht dyshimeve pritet që këtë lajm ta konfirmojë vetë Ermali, nëse do të jetë pjesë e spektaklit ‘Shiko Kush Luan’ që do të nisë shumë shpejt./revistawho.com
https://www.instagram.com/p/CEKVlAsnJhl/?igshid=1jzn455atlchq
