A ia dha dorën Elvanës pasi u shpall fituese? Ja si shprehet Arilena Ara

Mbrëmjen e djeshme, Arilena Ara u shpall fituese e vendit të parë në Festivalin e RTSH-së. Ara do përfaqësojë Shqipërinë në ‘Eurovizion’ pak muaj më vonë. Megjithatë një nga pretendenet kryesore për të përfaqësuar Shqipërinë ishte Elvana Gjata, e cila kishte një këngë mjaft ritmike. Për këtë arsye, Arilena është pyetur nga mediat nëse ja dha dorën Elvanës pasi është shpallur fituese. Ajo është shprehur se në atë moment i janë errur sytë, madje nuk ka takuar akoma as nënën e saj. “Unë në fakt nuk kam takuar as nënën time. Elvanën e vlerësoj për punën që ka bërë me muzikë të mirë në Shqipëri. E vlerësoj jashtë mase dhe isha e lumtur për të gjithë kolegët që ishin pjesë e këtij festivali dhe manifestuan një prej festivaleve më të mirë në 58 vite”, u përgjigj Arilena për Post Fest, drejtuar nga Eni Shehu.