Pak ditë më parë, u dha lajmi se Princ Charles rezultoi pozitiv ndaj virusit ‘Covid-19’. Menjëherë pas këtij momenti ai u vetizolua në Skoci për të treguar kujdes ndaj shëndetit të tij dhe njerëzve përreth.
Së fundmi burime të sigurta kanë treguar për mediat e huaja se Charles nuk është më në karantinim. Princi tashmë gëzon shëndet të mirë pasi ndoqi çdo rregull mjekësor.
Megjithatë bashkëshortja e tij është ende në vetizolim deri në fundin e kësaj jave, për të siguruar se ajo nuk ka asnjë shenjë të ‘Covid-19’.
Kujtojmë se gjatë kësaj kohe virusi ka infektuar personazhe të njohur dhe figura të ndryshme të njohura të politikës në mbarë botën.
