Zërat për një krisje mes Klea Hutës dhe Elgit Dodës kanë qarkulluar gjatë, por këtë herë përgjigjja nuk erdhi me deklarata apo sqarime direkte. Erdhi thjesht, në stilin e saj: një story në Instagram.
Në imazhin ku shfaqen bashkë Klea, Elgiti dhe i biri i tyre, moderatorja zgjodhi të flasë me pak fjalë, por me shumë kuptim, duke i uruar ditëlindjen partnerit të saj:
“Gëzuar datëlindjen, shpirti im! Të duam shumë!”
Një fjali e vetme mjaftoi për të ndalur spekulimet që kishin marrë dhenë nëpër portale. Prej muajsh, fansat kishin vënë re se çifti kishte fshirë pothuajse çdo postim me njëri-tjetrin, gjë që ndezi aludimet për një ndarje të mundshme. Megjithatë, ndjekja reciproke në rrjete sociale dhe komentet e herëpashershme plot ëmbëlsi e mbanin gjithmonë historinë pezull.
Ky nuk është rasti i parë kur Klea zgjedh të “flasë pa folur”. Në tetor, ajo postoi një foto ku vëmendjen e mori një unazë që shumëkush e lexoi si një tjetër sinjal se gjërat mes tyre janë më mirë seç duken nga jashtë.
Pa zhurmë, pa replika, Klea Huta duket se ka zgjedhur mënyrën e saj për t’i dhënë fund thashethemeve dhe kësaj here, mesa duket, me sukses.
