Lidhja e tyre ka qenë gjithmonë në qendër të vëmendjes, për shkak të uljeve e ngritjeve të shpeshta. Bëhet fjalë për reperin e njohur, Fero dhe modelen Arbenita Ismajli. Dyshja përflitet për një ndarje përfundimtare, pasi e kanë heque njëri-tjetrin nga rrjetet sociale e po ashtu kanë fshirë dhe fotot ku shfaqeshin të dy. Por ka qenë Arbenita, ajo që i ka hedhur poshtë të gjitha duke publikuar projektin më të ri të Feros “Jom rrit”. Në këtë mënyrë ajo i ka treguar mbështetjen e saj dhe po ashtu i është kundërpërgjigjur fjalëve të ndarjes. Gjithashtu modelja ka udhëtuar drejt Berlinit, aty ku reperi është zhvendosur për të jetuar. Të gjitha këto tregojnë se lidhja e tyre vazhdon po njësoj, por këtë herë larg syrit të ndjekësve dhe portaleve.
