Moderatorja Valbona Mhilli ishte së fundmi e ftuar në emisionin “S’e luan Topi” në kuadër të programit të së dielës, ku ndau me publikun përvojën e saj pas daljes nga shtëpia e “Big Brother”. Gjatë intervistës, ajo u përball me disa pyetje pikante, përfshirë edhe atë mbi çiftin shumë të komentuar, Gjesti dhe Egli.
E pyetur nëse ata janë ende bashkë, Valbona u përgjigj me një deklaratë që ngjalli dyshime mbi statusin aktual të marrëdhënies së tyre:
“Për publikun janë bashkë. Për pjesën tjetër kam përshtypjen se, me impenjimet e Gjestit dhe të Eglit, nuk besoj se kanë gjetur shumë kohë për të ndarë me njëri-tjetrin. Por unë uroj që të jenë bashkë, e ta kenë finalizuar me dashuri dhe sukses.”
Deklarata e saj la të nënkuptohet se marrëdhënia mes çiftit mund të mos jetë më ajo që ka qenë, ndonëse nuk dha një konfirmim të drejtpërdrejtë për ndarje. Megjithatë, fansat e çiftit janë tashmë në pritje të një reagimi zyrtar nga vetë Gjesti dhe Egli për të sqaruar situatën.
