Alketa Vejsiu është prej moderatoreve më të dashura për publikun shqiptar. Herë pas here, ajo komunikon me ndjekësit e saj në “Instagram”. Ashtu siç ka bërë së fundmi me pyetësorin virtual “Ask me a question”. Mes pyetjeve të shumta, dikush e ka pyetur edhe për lumturinë.
“A je e lumtur”, thotë pyetja dhe natyrisht që Alketa ka vendosur t’i përgjigjet më gjatë.
“Mendoj se më shumë sesa lumturia, ka rëndësi balanca në jetë. Kur balancat prishen, lumturia kompromentohet. Është shumë e rëndësishme që kur jemi në një cikël gëzimi, ta jetojmë kur e kemi. Sepse ne shumë shpesh e përjetojmë gëzimin më vonë, ose kur jemi jashtë një situate. Por është e rëndësishme që kur jemi në atë situate ta përjetojmë dhe të fokusohemi, ta mendojmë sikur është momenti i fundit i jetës, sepse jetës vërtet nuk i dihet kurrë dhe çastet e lumturisë nuk janë një konstante e padryshueshme e ditëve tona, ka ditë të mira siç ka ditë të këqija. Janë pak momentet që na lënë pa frymë dhe janë të shumta momentet që na bëjnë të marrim frymë”, ka thënë ajo.
