Pas përfundimit të spektaklit “Big Brother VIP Albania 4”, Valbona Mhilli ka ndarë për herë të parë reflektimet e saj për eksperiencën në shtëpi dhe lidhjen me Jozefin Markun. E ftuar në emisionin “Në shtëpinë tonë” në Top Channel, ajo është pyetur hapur nëse ka pasur komunikim me Jozin pas mbarimit të formatit.
“Valbona kjo është – rrezikon për njerëzit që do. Nuk jam penduar për asgjë që kam bërë në atë shtëpi,” – u shpreh ajo, duke theksuar se vendimi për të rikthyer Jozin duke thyer kutinë e emergjencës, ishte një veprim i menduar mirë dhe i bazuar tek ndjenjat e sinqerta.
Në atë kohë, shumë e konsideruan këtë veprim si të nxituar dhe emocional, por Valbona e shpjegon me fjalët: “E kam si vëlla, është shok i vëllezërve të mi.” Pavarësisht kësaj afërsie, ajo konfirmoi se marrëdhënia e tyre nuk ka vazhduar pas spektaklit.
“Unë di që ai është mirë, por nuk kemi pasur kontakt. Ajo që ndodhi në spektakël është një përgjegjësi personale e tij, dhe e kam dënuar me reagimin tim publik,” – tha Valbona, duke lënë të kuptohet se distanca mes tyre është krijuar pas largimit nga shtëpia.
