Princ Harry dhe Meghan Markle nuk e përdorin më llogarinë @sussexroyal në ‘Instagram’ pasi hoqën dorë nga detyrat mbretërore.
Pavarësisht kësaj thuhet se Harry nuk ka qëndruar larg rrjeteve sociale, pasi ka pasur një llogari sekrete, me një emër të çuditshëm.
Sipas reporterëve Omid Scobie and Carolyn Durand, të cilët shkruan një libër për çiftin, “Finding Freedom”, Harry kishte një llogari sekrete, emri i të cilës ishte miks emrash.
Sipas tyre, Harry e emëroi llogarinë e tij nisur nga DJ i preferuar i tij, Deadmau5 dhe emri që dikur përdorte në Facebook për të fshehur identitetin ishte Spike Wells. Pas këtij momenti mendohet se emri i llogarisë së Harry-t në ‘Instagram’ ishte @SpikeyMau5, pasi Meghan Markle nisi të ndiqte @SpikeyMau5 menjëherë pas takimeve të para me princin./revistawho.com
