Kemi dëgjuar shpesh se një gotë me ujë të ngrohtë dhe limon ndihmon në humbjen në peshë dhe shumë njerëz e përdorin si metodë. Por a është vërtet efektive kjo pije për humbjen në peshë apo është thjesht një mit? Alissa Rumsey, një zëdhënëse e “Akademisë së Ushqimit dhe Dietologjisë” ka treguar se uji i ngrohtë me limon nuk ndikon në rënien nga pesha. Megjithatë ajo ka shtuar se nëse kjo pije zëvëndëson një lëng tjetër që është më i lartë në kalori si kafja me sheqer apo lëngu i frutave, atëherë mund t’ju ndihmojë të humbni peshë. Ndërsa pronarja e “BZ Nutrition”, Brigitte Zeitlin, ka treguar se nëse pini më shumë ujë në përgjithësj dhe qëndroni të hidratuar gjatë gjithë ditës do të ndihmojë në humbjen e disa kilogramëve. Nëse nuk pini mjaftueshëm ujë ju do të nxitoni të konsumoni diçka dhe në vend që të shuani etjen do të shtoni peshë, prandaj është mirë që të pini sa më shumë gjatë ditës. Ndërsa limoni sipas Brigitte mund t’i ndihmojë njerëzit që nuk pëlqejnë shijen e ujit të pinë sa më shumë. /revistawho.com
Burimi: Revista Women’s Health
