Arbana Osmani ka bërë një zgjedhje të re në jetën e saj: të mos ndjekë më “Big Brother VIP”. Në një intervistë për Andale gjatë premierës së filmit të Eduart Grishajt “Pashaporta”, ajo shpjegoi arsyen pas këtij vendimi, duke treguar se ka kaluar vite të përfshirë intensivisht në këtë format dhe tani dëshiron t’i kushtojë vëmendje gjërave të tjera.
“Jo, me thënë të drejtën, unë kam ndjekur shumë ‘Big Brother’, më shumë seç duhet, dhe tani preferoj të ndjek gjëra të tjera që nuk i kam ndjekur kur isha e angazhuar me këtë program,” tha Arbana.
Ndërkohë, moderatorja e njohur është fokusuar te projekte të tjera personale, përfshirë kanalin e saj në YouTube. Ajo konfirmoi se sezoni i dytë i emisionit të saj, “Mirëmbrëma yje,” do të rikthehet në mars, duke sjellë më shumë përmbajtje për ndjekësit e saj.
“Do bëj një sezon të dytë që do fillojë në mars, prapë të ‘Mirëmbrëma yje.’ Kam shumë projekte të tjera gjithmonë të lidhura me kanalin, sepse e shikoj që njerëzit e pëlqejnë gjithçka që postojmë aty,” shtoi ajo.
