Të ka ndodhur ndonjëherë të mërzitesh shumë me dikë që në nerva e sipër ç`nuk të tha? E ke vrarë mendjen kushedi se sa ditë që ato që tha i mendonte vërtetë e se inati nxjerr ato që realisht ka menduar.
Nuk duhet ta mendosh kështu, sepse nuk është kështu!
Psikoterapistja Anila Sulstarova, në podcastin me Mira Kazhanin iu përgjigj pyetjes që mundon shumë njerëz: A themi në nerva të vërtetën tonë?
“Jo gjithmonë. S`është e thënë. Zemërimi ynë nuk është gjithmonë aq i ndershëm sa mendojmë. Zemërimi ynë është hakmarrës gjithashtu dhe unë e di sesi mund të të lëndoj ty, por kjo s`do të thotë që unë jam e ndershme në këtë”, tha Sulstarova duke shpjeguar se zemërimi jo gjithmonë është i ndershëm. Di të jetë edhe hakmarrës.
