Në datë 17 prill do të jetë premiera e dokumentarit të këngëtares së famshme, Beyonce, i quajtur ‘Homecoming’.
Ky dokumentar flet për performancën në ‘Coachella’ të Beyonce të realizuar në vitin 2018, e cila ishte një homazh i 37-vjeçares për njerëzit me ngjyrë dhe po pritet me padurim nga të gjithë fansat e këngëtares.
Përveç tyre ka qenë dhe Adele ajo e cila ka publikuar në ‘Instagram’ ditën e sotme një ‘screenshot’ të mesazheve me një prej miqve të saj.
Ajo pohonte në to se sa me padurim po e priste këtë dokumentar nga Beyonce.
Kujtojmë se Adele ka qenë gjithmonë një nga mbështetjet më të mëdha të këngëtares. Në vitin 2017 kur ajo rrëmbeu trofeun e ‘Gramy’s Award’ ja dhuroi atë koleges së saj, duke thënë se ajo e meritonte plotësisht atë çmim./revistawho.com
