Koncerti i parë i Adele pas 3 vitesh më në fund është transmetuar mbrëmjen e së hënës dhe këngëtarja e emocionuar shihet teksa shpërthen në lot ndërkohë që bën rikthimin e shumëpritur. Ajo ka performuar në “Radio City Music Hall”, disa prej hiteve të saj si dhe këngë të reja nga albumi i ri “25”.
“Ju jam shumë mirënjohëse”, i është drejtuar Adele e përlotur audiencës, e cila është ngritur në këmbë duke duartrokitur në fund të performancës. “Siqerisht më keni munguar shumë të gjithë”, është shprehur këngëtarja britanike teksa fshin sytë e përlotur.
“Jam munduar të përmbahem. Doja thjesht të rikthehesha dhe t’ju surprizoja. Mendoja se ia dola duke mos qarë deri tani”.
Adele, 27-vjeçe, u shkëput nga industria muzikore pas suksesit të albumit “21”, për t’u fokusuar tek rritja e djalit të saj Angelo, i cili tani është 3-vjeç.
/Topalbaniradio
