Albumi i saj i fundit u vlerësua si “Albumi i Vitit” në ceremoninë e ndarjeve të çmimeve “Brit Awards 2016”, kështu që nuk është aspak e çuditshme që Adele të nevrikoset kur dikush i ofendon albumin. Ylli britanik ka shpërthyer me fjalë ofenduese ndaj producentit të legjendës së ndjerë David Bowie, Tony Visconti, i cili në një intervistë të dhënë së fundi është shprehur se zëri i saj në albumin e ri mund të jetë përpunuar. Visconti është shprehur për “Daily Star”: “Kur ndez radion, kupton se 90% e artistëve kanë një zë të përpunuar. Ne e dimë që Adele ka një zë të mrekullueshëm por ndonjëherë vihet në pyetje nëse zëri i saj është i përpunuar. Nuk e dimë këtë”.
