Adelina Tahiri është një nga vajzat më të përfolura të showbiz-it shqiptar, jo vetëm për materialet muzikore, por së fundmi dhe për jetën e saj personale. Ajo u bë nënë për herë të parë në gusht të këtij viti me një djalë, të cilin e quajtën Jon. Dita e sotme për këngëtaren e njohur është shumë speciale. Nëna e saj feston ditëlindjen dhe Adelina ka shkruar disa fjalë prekëse për të. “Mami e dashur! Çfarëdo që të them do ishte shumë e vogël, çdo urim i imi do ishte asgjë me atë çka ndjej dhe me atë çfarë meriton ti, dua të jetosh sa malet, të jesh e lumtur gjithmonë, do doja në jetë të jem të paktën 30% një nënë si ty! Ti më mësove të dua, të respektoj dhe të vlerësoj! Faleminderit që ekziston. Të do vajza jote Adelina!”.
Që nga koha kur Adelina solli në jetë Jonin, duket se është bërë më e ndjeshme pasi dedikimet për njerëzit e saj më të afërt janë bërë më të shpeshta. /revistawho.com
