“Albania’s got talent” çel siparin e tij këtë të hënë, më 11.11.2024. Talentet do të zbulohen në kërkim të “Po-së” që mund të ndryshojë jetën. Pjesë e jurisë së spektaklit është artistja e madhe Adelina Ismaili. Ajo e quan këtë përvojë si ushqim i shpirtit me arte të bukura.
Çfarë ylli pati “Albania’s got talent” që të bëri të vish në Shqipëri, për t’u ulur në karrigen e jurisë?
“Albania’s got talent” për mua është një festë e madhe. Të bën të qeshësh, qash, të ngelesh pa frymë, i ka të gjitha që një spektakël duhet të ketë. Perveçse e kam shijuar shumë dikur në TV, tani kam fatin të jem në juri. Natyrisht, nuk është e lehtë fare sepse unë gjithmonë lëkundem mes ndjenjës dhe profesionalizmit, por e pranova që të ushqehem shpirtërisht me arte të bukura dhe të rritem profesionalisht”.
