Të gjithë bien dakord që Adelina Ismailin ta cilësojnë si një ndër ‘Divat’ e muzikës shqiptare. Ajo ka qenë nga ato këngëtare që solli një frymë të re në muzikë, duke emancipuar dhe një pjesë të madhe të publikut shqiptar. Këngët e saj janë dëgjuar e kënduar ndër vite nga breza të ndryshëm. Megjithatë u bë një kohë e gjatë që Adelina i mungon publikut shqiptar. Duket se ajo i është përkushtuar më shumë familjes së saj dhe prandaj ka qëndruar disi larg muzikës.
Por edhe jo për shumë kohë, sepse ajo ka lajmëruar se shumë shpejt do të publikojë videoklipin e saj më të ri. Kënga do të quhet “T’iqe” dhe me siguri do të jetë një rikthim i fuqishëm i Ismailit. Nga promo e videoklipit, kuptohet disi se kënga duhet të jetë në një lloj mënyre një ironi për vajzat e rrjeteve sociale që shfaqin një jetë super luksoze. Megjithatë deri në ditën e publikimit na duhet të presim dhe të zbulojmë më shumë detaje. /revistawho.com
https://www.instagram.com/p/Bi7d7dqgLjP/?taken-by=adelinaofficiel
