Në gusht të 2018-tës Adelina Tahiri solli në jetë fëmijën e saj të parë dhe provoi ndjesinë më të bukur, atë të të qenurit nënë. Ajo u bekua me një djalë të quajtur Jon, i cili është fryt i dashurisë së saj me Serjoza Markov. Kanë kaluar plot 9 muaj që nga lindja e vogëlushit dhe tani Adelina duket se ka vendosur t’i dedikohet edhe vetes së saj.
https://www.instagram.com/p/BwZRY1tnOfc/
Pak kohë më parë në një komunikim me fansat e saj në rrjete sociale, Tahiri premtoi se shumë shpejt do t’i rikthehej muzikës. Adelina e mbajti fjalën dhe mesa duket për pak kohë do e shohim të publikojë ndonjë projekt të ri muzikor. Mbrëmjen e sotme këngëtarja ka publikuar në ‘Instagram’ një foto, në të cilën shihet duke punuar në një studio muzikore. Adelina ka pozuar përballë një mikrofoni, gjë që tregon se është duke regjistruar zërin e saj. Përkrah fotografisë ajo ka shkruar: “Po vjen”, duke lënë të kuptohet se rikthimi i saj në muzikë do të vonojë dhe shumë.
Projekti i saj i fundit muzikor ka qenë “Dale kadale”, të cilin e publikoi 2 vite më parë. Kujtojmë se në repertorin e saj muzikor Adelina numëron shumë këngë të njohura të tilla si “Ti mos u kthe”, “Mos më duaj sot”, “S’je i pari” etj. /revistawho.com
