Adi Krasta: Unë jam i sinqertë

Megjithë kuriozitetin e madh që ka rreth showman-it Adi Krasta, ai ka vendosur të qëndrojë në heshtje. Sigurisht që duhet të ketë pasur kërkesa të shumta nga gazetarët për një intervistë, pasi prej kohësh i mungon ekranit qysh prej mbylljes së “Agon Channel”, por do t’i ketë refuzuar. Ama jo të gjithëve u ka thënë “Jo”. Krasta ka zgjedhur studion diskrete të një radioje për t’u rrëfyer. Përballë moderatorit Haki Kika per emisionin “N’ishull” në Radio 2 të RTK në Kosovë, Adi Krasta ka folur për shumëçka. Siç dëgjohet në spotin ku njoftohet se emisioni do të jepet më 2 maj, një nga personazhet më të rëndësishëm të ekranit shqiptar ka folur rreth gjuhës shqipe, rreth probleme të Shqipërisë dhe Kosovës. “Kosova ka një rrezik të madh, katundarizimin”, dëgjohet të ketë thënë ai. Adi Krasta ka bërë dhe një koment për veten e tij, duke shprehur: “Në qoftë se jam diçka, pa diskutim jam “ sinqertë”. Mbetet për t’u parë nëse ka apo jo ndonjë plan t’i rikthehet televizionit…