Prej disa ditësh, rrjetet sociale janë mbushur me aludime për një ndarje të mundshme mes Fifit dhe bashkëshortit të saj, Adis Patushit. E ndërsa asnjëri prej tyre nuk ka bërë ndonjë deklaratë të drejtpërdrejtë për situatën, një postim i fundit nga Adisi ka ngjallur shumë reagime dhe interpretime.
Ai ka publikuar në Instagram, disa vargje të poetit Agim Doçi, të cilat shumë ndjekës i kanë parë si një formë shprehjeje emocionale përmes artit, duke shmangur fjalët e drejtpërdrejta:
“Sa isha gjallë më ndenjën ftohtë
Nuk e kuptoja çfarë kisha bërë
Doja nga njerëzit një fjalë të ngrohtë
Vetëm më iku, jeta e tërë…”
Megjithëse nuk përmendet emri i Fifit dhe nuk jepet asnjë konfirmim konkret për ndarje, shumë ndjekës kanë lexuar mes rreshtave duke e lidhur postimin e tij me postimet e fundit të Fifit, e cila gjithashtu ka zgjedhur të shpërndajë në rrjetet e saj sociale vargje rreth ndarjes dhe pendesës për një lidhje të humbur.
Mbetet për t’u parë nëse një reagim konkret do të vijë nga çifti gjatë ditëve në vijim.
