Legjenda e muzikës, Michael Jackson, vazhdon të jetë një ndër figurat më të pëlqyera nga të gjithë. Edhe pas vdekjes, këngët e tij ia kanë dalë t’i rezistojnë kohërave. Ndër vite kemi parë shumë njerëz që i janë nënshtruar operacioneve për t’u dukur si ai, por adoleshenti Leo Blanco ia ka arritur t’i afrohet më shumë pamjes së Michael. Leo është një fans i çmendur i këngëtarit dhe ndryshimet në pamje i ka filluar që në moshën 15 vjeçare. Edhe pse ka bërë 11 operacione, ai ende nuk është i kënaqur me pamjen e tij. Leo është shprehur për ‘The Mirror’ se në momentin që i nënshtrohesh operacioneve plastike, nuk mund të ndalesh dot. “Midis gjërave që dua unë, gjërave që duan prindërit e mi dhe gjërave që mjekët janë të gatshëm të bëjnë, do ketë gjithmonë luftë”. Ky ishte komenti i tij kur u pyet për mendimin e prindërve në lidhje me transformimet. Mamaja e tij mendon se një ditë ai do të vdesë gjatë një operacioni, por pavarësisht kësaj, Leo duket shumë i vendosur të përmbushë misionin e tij./revistawho.com
https://www.instagram.com/p/BsrUi2lgJ3n/?utm_source=ig_share_sheet&igshid=147zwg63cy5cd
