Adriana Lima është konsideruar për shumë kohë si një nga ‘engjëjt’ më të bukur të ‘Victoria’s Secret’. Pasi sfiloi për herë të fundit në pasarelën ku e pamë për vite me radhë, daljet publike të 38-vjeçares kanë qenë më të rralla.
Së fundmi Adriana ka qenë prezente në premierën e filmit ‘Once Upon a Time in Hollywood’ në Los Angeles dhe i ka befasuar të gjithë me ‘look-un’ e saj. Lima kishte veshur një fustan të kuq me një palë sandale në po të njëjtën ngjyrë. Bukuroshja ishte kujdesur që të njëjtat tonalitete të lidheshin edhe me ‘makeup-in’ që ajo kishte vendosur, duke i ‘fiksuar’ të gjithë pas pamjes së saj.
Fustani i përkiste firmës së njohur ‘Magda Betrym’ dhe kushtonte plot 1.700 dollarë, shumë kjo e zbuluar nga vetë faqja e stilistes së njohur.
Me siguri Adriana nuk është penduar aspak për këtë zgjedhje sepse ajo bëri që të gjithë të kthenin kokën pas me ‘look-un’ që kishte realizuar./revistawho.com
