Modelja me famë botërore ka treguar se e ka ndjekur me shumë entuziazëm këtë botëror duke bërë tifozeri për skuadrën e saj të zemrës, Brazilin. Përballja e djeshme midis Brazilit dhe Belgjikës e cila përfundoi me rezultatin 2-1 në favor të skuadrës belge e ka mërzitur shumë modelen.
Lima ka postuar në ‘Instagram’ video gjatë kohës që luhej ndeshja duke inkurajuar djemtë e kombëtares së saj për të mos u dorëzuar, por gjërat nuk shkuan ashtu siç ajo do të donte. Eleminimi i Brazilit nga kampionati botëror e zhgënjeu modelen e cila tani e në vazhdim do të jetë tifoze e skuadrës angleze.
‘Tani unë mbështes Anglinë’-ka shkruar modelja braziliane bashkangjitur simboleve të flamurit anglez./revistawho.com
