Në 26 nëntor Adrola Dushi festoi 6-vjetorin e lindjes së djalit të saj, Troit. Dy mikeshat e saj më të mira, Xhesika Berberi dhe Giti Duka organizuan gjatë asaj dite një festë surprizë për vogëlushin, ku fëmijë e të rritur festuan së bashku. Duke qenë se gjatë kësaj kohe Adrola ka qenë e angazhuar me mbledhjen e fondeve për tërmetin që tronditi Shqipërinë, vetëm ditën e sotme pati mundësinë të publikonte diçka nga ditëlindja e djalit. Me këtë rast ajo ka falenderuar mikeshat e saj dhe është shprehur se vogëlushi është forca më e madhe që e shtyn të ecë përpara. “Arsyeja më e madhe që më shtyn të eci përpara, që më jep dritë edhe në ditët më të errëta, Troi im. Sepse gëzimi dhe lumturia e Troit më tregojnë që ditë më të bukura kemi përpara. Xhesika Berberi dhe Giti Duka faleminderit shumë që më lumturuat mua dhe Troin. Në gëzime ua kthefsha”, ka shkruar Adrola në një postim në ‘Instagram’.
https://www.instagram.com/p/B5f8ZRzh7HF/?igshid=zj5j0che1qhk
Kujtojmë se modelja shqiptare prej vitesh e rrit djalin e saj si nënë beqare dhe shpesh ka treguar se për të nuk është e lehtë të jetë e vetme, por deri më tani e ka kryer më së miri detyrën e saj si nënë. /revistawho.com
