Afrona Dika dhe Blero i dhanë fund beqarisë ditën e djeshme, duke kurorëzuar dashurinë e tyre me martesë. Dyshja e njohur kishin organizuar një dasmë të madhe për të festuar bashkë me të afërmit për dashurinë e tyre. Dasma nisi me ceremoninë e martesës, ku Afrona dhe Blero u betuan për dashuri të përjetshme.
https://www.instagram.com/p/B2rlNZGgYV2/?igshid=1r9zk4083j6ns
Më pas e gjithë mbrëmja vazhdoi brenda një resorti dhe atmosfera në dasmën e çiftit ka qenë shumë e zjarrtë. Kolegë të Bleros si Ylli Limani, Sabri Fejzuahu, Bensik Qaka, Shkurte Gashi etj, u kujdesën që të mbanin gjallë gjithë energjinë pozitive. Gjatë mbrëmjes Afrona ka marrë dhe një dhuratë shumë të bukur nga Blero, një këngë dedikuar vetëm asaj. Nga pamjet e publikuara duket se ky moment ka qenë mjaft emocionues për çiftin, sidomos për Afronën që nuk ka mundur të mbajë dot lotët.
https://www.instagram.com/p/B2tLh74HuKb/?igshid=1jpavhmm3epb4
Më pas mbrëmja ka vazhduar me një kërcim sensual në rërën e plazhit, duke qenë se ata vendosën të celebroheshin në Shëngjin.Vetë çifti duket se e kanë shijuar shumë dasmën e tyre dhe në videot e fotot e shumta në rrjete sociale kjo gjë mund të dallohet shumë lehtë.
https://www.instagram.com/p/B2sWSwTnlmw/?igshid=ulsld8bkblkt
Afrona dhe Blero kishin disa vite që jetonin larg njëri-tjetrit, por tashmë pas dasmës pritet të nisin një jetë të re si burrë e grua në Kosovë. /revistawho.com
