Përveçse një ndër tekstshkruajtësit më të mirë të muzikës shqiptare, Agim Doçi është spikatur gjithmonë edhe për deklaratat e tij të drejtpërdrejta, hera herës kritikuese. Ai së fundmi është zgjedhur një nga anëtarët e jurisë profesionale që do të votojnë këngët garuese në Eurovizion. Teksa lajmi është bërë publik në adresën në rrjetin social “Eurovisionalbania” Doçi është shprehur se përzgjedhja e tij në juri është një ‘shpërblim’ pasi sipas tij kënga e tij dhe e Edmond Zhulalit duhet të ishin fituesit e vërtetë të festivalit të dhjetorit. Ai vijon duke theksuar se përtej profesionalizmit të Eneda Tarifës kënga jonë në edicionin e këtij vitit të festivalit europian është tejet e rrezikuar. Ja çfare shkruan ai :
“Faleminderit kush më ‘përzgjodhi’!!! Kjo asht ‘shpërblim’ sepse Rezarta Smaja dhe Klodi Kaçani MERITONIN me përfaqsu Shqipërinë!…Përralla me lajka!!! Ju uroj të futet në Natën Finale kënga e ‘Përralla’. Tarifa asht kangtare profesioniste-Kanga asht tejet e rrezikuar!!! Askush nuk navoton me respektin dhe dashurinë e vlerave- por me votime sllavo-anglo-franko klienteliste!!!! ”
