Moderatorja e mirënjohur Alketa Vejsiu është një prej personazheve më aktive në rrjete sociale. Së fundmi ajo ka publikiar disa video ku ka treguar se ndodhet në qytetin e Korçës, aty, në shtëpinë ku jetonin dikur gjyshërit e saj.
Alketa atje ka kaluar fëmijërinë: “O Zot i madh këtu kam ardhur pas 24 vitesh. Këtu ku kam kaluar fëmijërinë time ku ka qenë shtëpia e nënës dhe e gjyshit. Këtu nuk jeton asnjeri tani. O Zot sa kujtime kam këtu. 3 muaj në verë me tren deri në Pogradec. Deri 14 vjeç sa ishte gjallë nëna vija këtu”,ka thënë ajo në “Instastory”.
“Këtu bëja punë me grep edhe qëndisja. Ulesha këtu kemi pasur një stol që uleshim me gocat dhe me çunat. Këtu më ndiqte nëna me bukë, me gjalpë dhe me djathë. Ah moj nëna ime të ishe gjallë të të puthja dhe një herë”, ka vijuar ajo.
Sa jemi fëmijë duam të rritemi, kur rritemi duam të rikthehemi sërish në fëmijëri. Kjo është ironia e jetës.
