Britney Spears dhe Sam Asghari i kanë dhënë fund martesës së tyre, vetëm një vit pas dasmës madhështore që mori vëmendjen e të gjithë mediave botërore. Sam e akuzoi këngëtaren për dhunë dhe tradhti ndërsa ajo është shfaqur shumë e qetë duke vazhduar të publikojë video në një situatë kur mediat po ziejnë për divorcin e tyre.
Burime për revistën People tregojnë se lidhja e tyre ishte shumë toksike dhe vazhdimisht ka patur drama. Ata kanë 6 vite bashkë, por pas martesës nisën të kalonin më pak kohë me njëri-tjetrin. Sipas Page Six, Britney filloi të zhgënjehej shumë nga Sam pasi ai nuk kalonte më shumë kohë me të.
“Sigurisht që është zhgënjyer. Çdokush do zhgënjehej nëse partneri nuk kujdeset për ty siç duhet të kujdeset. Ajo i ka rezervuar pushime luksoze, ka paguar për gjithçka, kanë udhëtuar me avion privat. Por Sam nuk e ka vlerësuar. Ku ishte ai kur Britney postonte videot në Instagram? Ai zhdukej për muaj të tërë dhe e linte vetëm. Ka pasur momente kur thjesht largohej papritur. E vërteta është që gjithçka ka qenë shumë e komplikuar. Divorci ka muaj që diskutohet, nuk është një vendim i menjëhershëm”, tha burimi.
