Renato Mekolli ka qenë një prej të ftuarëve speciale ditën e sotme në emisionin e së dielës në ekranin e ‘Top Channel’, ‘E diell’. Shefi i kuzhinës u vu përballë pyetjeve të ndryshme duke rrëfyer kështu rrugëtimin e tij në punë në Greqi, por dhe gjërat të cilat i është dashur të humbasë për hir të saj. Megjithatë një moment mjaft emocionues ka qenë ai kur gazetari Ervin Kurti i tregoi surprizën që stafi i ‘E diell’ kishte përgatitur për të. Në ekran u shfaq shefi i parë i kuzhinës ku Renato ka mësuar, i cili e përshëndeste duke i uruar më të mirat.
Në këtë moment Mekolli është përlotur duke shtuar se arsyeja se pse qante, ishte se ai njeri i kishte mësuar çdo gjë edhe kur i kishte bërtitur dhe i ishte sjellë ashpër.
Duartokitjet e publikut mbështetën Renaton në një moment delikat si ky, ku ‘djalli’ i kuzhinës nuk mohoi se do përpiqet ta sjellë në emision mësuesin e tij./revistawho.com
