Aktorja e njohur e humorit Rudina Dembacaj, pas ceremonise së veçantë martesore më 30 qershor, po shijon shtatzëninë duke pushuar pranë detit. Pushimet në ishullin grek Santorini u pasuan nga të tjera ditë relaksi në plazhet e jugut. Kështu ka pasur mundësinë të japë dhe një intervistë për edicionin veror të “Abc News”, shkruan “Story”. Me pamje origjinale dhe pa grim ajo ka rrëfyer se djalin me të cilin u martua dhe e ka në krah, e ka gjuajtur vetë e para. Ndërsa sa i takon përjetimit të shtatzënisë së parë është shprehur se ndihet shumë mirë dhe e lumtur, aq sa do të dëshironte të ishte shtatzënë gjithë jetën. “Muaji i mjaltit vazhdon… ne të tre”, shkruante Rudina në foton e fundit të publikuar në Instagram. Edhe pse u fol për një rikthim në televizion pas largimit nga “Al Pazar”, vetë aktorja nuk ka dhënë detaje konkrete.
