Është njohur si katorja e “Al Pazar” por rolet e saj të spikatura nisën që kur imitonte Jozefina Topallin. Mirëpo prej më shumë se një sezoni aktorja Rudina Dembaçaj i ka munguar ekranit. Pavarësisht kësaj aktorja ka ndryshime të mëdha në jetën e saj private. Pas përfundimit të lidhjes 2-vjeçare me ish të fejuarin, ajo ka nisur një tjetër marrëdhënie të konsoliduar. Aktorja ka zbuluar se është fejuar prej pak muajsh me një djalë që quhet Aleks dhe çifti tashmë bashkëjeton. Ajo shprehet për “Bluetooth” se këtë herë ka gjetur dashurinë e vërtetë në krahët e djaloshit që e bën të ndjehet ndryshe, një femër e plotësuar në të gjitha aspektet. “Ishte dashuri, dashuria nuk bën llogari. Jam ndjerë me krahë në çdo moment, çdo sekondë pranë tij, kimia mes nesh është shumë e fortë. Them se jemi shumë të përshtatshëm me njëri-tjetrin për të krijuar jetë të lumtur dhe me vlera. Po planifikojmë dasmën dhe mezi po presim”, ka thënë ajo.
