“Me zemër të hapur” është një ndër emisionet më të njohura që trajton problematika të ndryshme sociale. Ditën e sotme në qendër të tij ishte debati mes një nënë dhe një vajze që nuk flisnin me njëra-tjetrën. Moderatorja e emisionit Evis Ahmeti gjatë emisionit priste që vajza e përfshirë në ngjarje të telefononte dhe kur erdhi momenti në fakt ndodhi diçka e papritur që e emocionoi pafund moderatoren.
Në linjën telefonike ishte vajza e Evisit, Anxhela, e cila kishte përgatitur surprizën më të veçantë për ditëlindjen e nënës së saj. Moderatorja sot bën 45 vjeçe dhe vajza duke qenë se studion në Itali gjeti mënyrën më të veçantë për të uruar të ëmën. “Më falni për kohën televizive që po ju marr. Mami në këtë 45 vjetor unë ndodhem larg teje, por dashuria ime nuk matet me kilometra. Kam fatin e madh që kam një mama të përkushtuar si ty. Të dua shumë dhe të them se je mami më e mirë në botë”, – tha Anxhela.
Nga këto fjalë kaq të bukura Evisi mbeti e befasuar dhe shpërtheu menjëherë në lot. Por jo vetëm kaq, vajza e saj i kishte bërë dhe një dhuratë shumë të veçantë një trëndafil të futur brenda një qelqi. /revistawho.com
