Nga Rudina Laka/ Edhe pse me shumë vite karrierë mbi supe dhe interpretime të jashtëzakonshme, këngëtarja Irma Libohova vazhdon të këndojë me po të njëjtin pasion për publikun e saj.
E angazhuar nëpër koncerte dhe aktivitete, ndërkohë që të gjithë ne pushonim, Irma punonte.
Në një intervistë për ‘revistawho.com’, artistja ka treguar sesi ka qenë kjo verë për të ndërkohë që tregohet e rezervuar lidhur me planet dhe projektet e saj muzikore.
Si ishte kjo verë për Irmën? Ku pushove në këto ditë të nxehta?
Unë nuk kam bërë pushime, e kam thënë që punoj kur të gjithë pushojnë dhe tani që pushimet po mbarojnë, punoni ju, e do pushoj unë. Pak ditë pa filluar vera kam qenë në Golem, ku shkoj gjithmonë, tani të shoh.
Preferon detin apo malin?
Shqipëria jonë më pëlqen me gjithë mikroklimat e saj, s’kam vendosur ende pasi tani ka më shumë mundësi zgjedhjeje. Të shoh…
Çfarë planesh të afërta ke lidhur me muzikën?
Për muzikën s’po flas njëherë se më “dështojnë” planet./revistawho.com
