Edhe pse festat duan akoma kohë, atmosfera e tyre ka ‘pushtuar’ të gjithë shtëpitë, sidomos ato me fëmijë të vegjël. Kështu ka ndodhur edhe në shtëpinë e moderatores së njohur Rudina Magjiastari. Ajo ka zbuluar se ka blerë dekorimet për shtëpinë, por nga entuziasmi me sa duket i kanë blerë të gjitha që ishin në dyqan. “Më duket se aksidentalisht kemi blerë të gjitha llojet e dekorimeve në dyqan. E dua këtë atmosferë! Sa qejf që është nëntor akoma. Një javë më shkëlqim e xixa për të gjithë!”, shkruan Rudina. Moderatorja dhe bashkëshorti i saj janë prindër të një vajze të quajtur Mia, që me siguri ka qenë ‘bashkëpunëtorja’ e mami Rudinës në këtë pazar për festat.
