Aksidenti, ja çfarë tregon miku i ngushtë i Fjolla Morinës

Këngëtarja Fjolla Morina ka pësuar mbrëmjen e djeshme një aksident në aksin rrugor Prishtinë-Shkup. Lajmi u bë i ditur nga njëra prej mikeshave të saj, e cila gjithashtu njoftoi se këngëtarja ishte shtruar në spitalin e Shkupit. Mirëpo pak minuta më parë një tjetër i afërt i saj ka dhënë detaje rreth gjendjes shëndetsore të këngëtares. “Ajo me urgjencë është dërguar në Shkup dhe gjendja e saj është jashtë rrezikut për jetë” ka thënë për Indeksonline Berat Behramaj, miku i afërt i Fjollës. Ai ka treguar se pas kontaktit me të ëmën e këngëtares Morina, ka konfirmuar se tashmë Fjolla është mirë.