Një aksident i rëndë u regjistrua më 9 tetor në Padova të Italisë, ku dy pjesëtarë të një familjeje shqiptare humbën jetën. Pas përplasjes fatale vdiqën nënë e bir, 37-vjeçarja shqiptare Blerina Alla dhe djalit i saj 13-vjeçar Dejvis. Sot familjarët të rrënuar nga dhimbja, e kanë kaluar gjendjen e shokut dhe kanë shprehur mirënjohjen e tyre për ata që i erdhën në ndihmë. “Ne duam të falenderojmë, njësinë e kujdesit intensiv të Sant’Anna, pediatren dhe psikologen, por edhe komunitetin shqiptar të Ferrara, banorët e zonës dhe miqtë e shokët e shkollës së Dejvis”, thotë Arjani, xhaxhai i Dejvisit dhe kunati i Blerinës. Po ashtu në ndihmë të familjes shqiptare ka ardhur edhe Shkolla e Mesme Barco ku Dejvis studionte, duke i ndihmuar me një shumë të parash për transportin e kufomave në Shqipëri, ku u varrosën pak ditë më parë. Mbrëmjen e 9 tetorit, Blerina po udhëtonte bashkë me 3 fëmijët e saj, por humbi kontrollin e makinës për shkak të kushteve të këqija atmosferike. Ajo humbi jetën në vend në sy të fëmijëve, ndërsa 13-vjeçari nuk arriti t’u shpëtonte plagëve të marra. Familja shqiptare pas disa ditësh vendosi që të dhuronte organet e 13 vjeçarit.
Aksidenti në Itali ku vdiqën nënë e bir, familjarët: Falenderojmë ata që na ndihmuan
