Një aksident në punë ka ndodhur në godinën televizionit kombëtar, ku si pasojë ka mbetur i plagosur rëndë një teknik. Ngjarja ndodhi dje në godinën e re të ‘Top Medias’, ku një teknik ka qenë duke punuar në hapësirën e ajrimit, mes dy ashensorëve në katin e pestë. Nga hetimet paraprake mësohet se, tekniku Roland Hyka, ka hyrë për të punuar në dhomëzën e ajrimit, dhe dyshohet se është rrëzuar, shkruan “Dritare.net”. Ndërsa siç bën me dije “Lapsi.al”, tekniku ndodhet në spital në gjendje të rëndë ndërsa policia ka nisur hetimet për ngjarjen.
