Ermal Mamaqi i është përgjigur deklaratës së Luiz Ejllit, i cili disa javë më parë tha se Ermali është shkrimtar më i mirë se sa humorist. Më herët ky i fundit në të njëjtin emision (Më lër të flas) tha se Luizi është aktor më i mirë se këngëtar. Në një intervistë në “Wake Up”, Ermali tha se fjalët e Luizit ishin hakmarrje.
“Luizi bëri një goditje poshtë brezit me këtë histori, ka diçka që e ka mërzitur, por ajo që kam thënë unë për Luizin ka qenë e sinqertë. Nuk kam thënë s’di të këndojë. Kam thënë më pëlqen më shumë si aktor se sa si këngëtar se nuk i kam ndjekur këngët e tij. Ai është mërzitur për këtë mesa duket. Por le ta lëmë me kaq e mos merremi më me këto muhabete”, tha Ermali.
