Mbrëmjen e kaluar i ftuar në emisionin “Mos i fol shoferit” ishte aktori i njohur i humorit, Muharrem Hoxha. Në një intervistë plot humor ai ka treguar për rolet e tij në estradën shqiptare dhe peripecitë që ka kaluar ndër vite. Muharremi u ndal të tregonte një detaj interesant lidhur me rolin e tij në komedinë “Fjalëkryqi i fundit”, ku ai rrihet nga gruaja pasi nuk gjen se çfarë bën mëngjes, drekë dhe darkë. “Më tha Arian Çuliqi, Rreme dy minuta punë është. Ajo dy minuta, kishte inat me burrin e vet e më bëri m**. Më bëri sallatë. Një dubël bëmë dhe më mbyti. Katër ditë nuk e hiqja këmishën kur flija me gruan. Më vinte zor jashtë mase, i thoja kam ftohtë”, tha aktori.
Muharrem Hoxha njihet nga publiku nëpërmjet mbi 80 roleve të spikatura. Më herët ai ka treguar se gjatë karrierës 40-vjeçare është përballur edhe me policinë, të cilët kanë dashur ta arrestojnë pas shfaqjeve në publik./revistawho.com
